Mataio 12:41 - Miriam Mer Gospels 1902

⁴¹ Nineua le ko tekuei abele gerger meratager kemem abele nosik adud le pako eruam sus abkoreb; abelelam uiaba obazged Iona ra marau; dasmer, ike abele le aule tumem Iona.

Mataio 12:41 ပူးပေါင်းရင်းမြစ်များ

Mataio 12:39

E etkalu uiabim, kega, Abele nosik adud le pako eruam sus uiaba karim deraimer nerute atamelam; ege umer kaka uiabi dekuarare, a tepeteb Iona perofeta ra atamelam:

Mataio 12:42

Kosker opole koki apek ko tekuei kemem abele nosik abele meratager; abelelam E tabarki abele bakedid geseb ge, a asoli Solomona ra pardale; dasmer, ike abele le aule tumem Solomona.

Mataio 12:45

Ege E bakeamulu, a taraisare uader sefen lamar au adud abi tumge, ege uiaba barot a bamer; ege au adud mop abele le, a kebi adud abara giz. Mokakalam ikeli abkoreb abele nosik le adud.

Mataio 12:6

Kaka uabi detagerare, Ike abele le aule tumem abele zogo meta ge.

Mataio 16:4

Abele nosik le adud, pako kogem le giz, uaba karim deraimerare nerute atamelam; umer kak nerute atamelam uabi nakuarare, a tepteb Iona perofeta ra atamelam. E dikaerlu uiabim, a adem bakeamulu.

Mataio 17:17

Ege Iesu etkalu, kega, Abele nosik le nole oatur kak a barbar tonar, kaka uabi dog naket gerger? kaka uabi mena omare naket gerger? E karim tegaret.

Mataio 23:36

Ageakar kaka uabi detager, Gaire lu uridili tabarki tumem abele nosik.

Luka 11:32

Ui ge bako Nineua ge, abele gerger ge uanautumerare abele nosik, E uiabi bodomalam: abelelam uiaba obazgeda Iona ra marau; dasmer, ike abele nerute le au kale tumem Iona.

Ioane 3:31

Le kotorlam uatabu, E tumem gaire lu uridili: le geseplam, E geseplam, a ko gesep mer atager: le kotorlam uatabu, E tumem gaire lu uridili.

Ioane 4:12

Nako, ma aule tumem keriba aba Iakobo, abele ni keribi ikuar, E ko eri abele ni, a abara uerem giz, a abara ebur giz?