Mataio 12:3 - Miriam Mer Gospels 1902

³ E uiabim detagerare, Nako uaba nole etagare kak abele lu Dauida ikeli E uererege, pako gaire le abi kemem;

Mataio 12:3 ပူးပေါင်းရင်းမြစ်များ

Mataio 12:2

Ege Faresaio giz uiabi erdali, a uiaba kega abim, Dasmer, mara kaimeg giz ikerare abele lu nole abkoreb sabath ge.

Mataio 12:4

E balu Ade ra meta a eroli areto didmerik opem, E nole abkoreb teroli, pako gaire le abi kemem, a tepteb gaire zogozogo le giz?

Mataio 12:5

Nako uaba nole etagare abele gelar ge, gaire sabath uridili zogozogo le datupid abele sabath muige abele zogo meta, a uiaba nole adud kak?

Mataio 19:4

Ege E uiabi etkalu, kega, Nako uaba nole etage, abele le detagem le gizlam, E ikeli neis le kimiar pako kosker,

Mataio 21:16

Ege uiaba abim kega, Nako ma asoli uiaba mer? Ege Iesu uiabi etkalu, Uao; nako uaba nole atager kak, Ma derser uedakiriare gaire sursur uerem giz uiaba telam, pako nano uerem giz?

Mataio 22:31

Abele ko eded akaida eudlam, nako uaba nole atager kak Ade ra mer uabim, kega,

MAREKO 12:10

Nako uaba nole jauali zogo atager kak, kega, Abele baker uiaba gaire le meta emorare dituaki, emetu ikeli abele meta serer ge:

MAREKO 12:26

Abele eud le giz, ko eded akaida; nako uaba nole Mose ra jauali atager kak, Ade abi detager lulam, kega, Kaka Abarahama ra Ade a Isaaka ra Ade, a Iakobo ra Ade?

Luka 10:26

Ege E abi detager, kega, Nalu detali muige abele gelar? nalu mer ma etag?

Luka 6:3

Iesu uiabim detaut, kega, Nako uaba nole etage Dauida de ikeli, leuer aro kak, uerer eudili, a gaire abara kaimeg giz;