Mataio 12:14 - Miriam Mer Gospels 1902

¹⁴ Faresaio giz baosi adige, uiaba mer atager abim ko abi ipit eumid.

Mataio 12:14 ပူးပေါင်းရင်းမြစ်များ

Mataio 26:4

A uiaba mer atager nalu lu umele mirem erpei, pako ipitare eumilu Iesu.

Mataio 27:1

Gerger osakeida, gaire zogozogo le giz uridili, pako aule giz abgedlam uiaba mer atager Iesu ko abi ipit eumilu:

MAREKO 14:1

Neis gerger iobaru, paseka akerare, a areto nole isi kak; zogozogo le giz, a aotale giz ko deraimeri abi terpei okardarem, a abi ipit eumida.

MAREKO 3:6

Faresaio giz teosmeda, a sobkak mer atagere, pako Herodiano giz, ko abi ipit eumida.

Luka 22:2

Zogozogo le, pako aotale giz uiaba deraimerare nalu tonar uiaba ko abi ipitare; abelelam uiaba au geum abele ged.

Luka 6:11

Epe uiaba au urker; ege uiaba mer atager nalu lu uiaba ikeli abkoreb Iesuim.

Ioane 10:31

Iudaia giz baker tais ko abi itimdare.

Ioane 10:39

Uiaba iako deraimer abi terpei: ege E uiabielam ispilu uiaba taglam.

Ioane 11:53

Uiaba okaikes, a ditimeda abele gerger ge deraimer ko abi ipit eumida.

Ioane 11:57

Uiaba gaire tarim zogozogo le, pako gaire Faresaio gelar ekos, kega, Ese nerute le umele abele uteb E emri, abara dorge ko etomeret, ueakai uiaba abi terpei.

Ioane 5:18

Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.

Ioane 7:30

Uiaba deraimerare abi terpeirare: a nole le abim tag itirimuda, abelelam abara kerker nole tabarki.

Ioane 7:32

Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.

Ioane 7:44

Uader uiaba lagelag abi terpei, a nole le abim tag itirimuda.

Ioane 8:59

Uiaba baker taisare ko abi itimdare: a Iesu gumik bakeamulu, a teosmelu zogo metalam.