Mataio 11:2 - Miriam Mer Gospels 1902

² Ege Ioane asoli abele audubare meta ge Keriso ra dorge, epe E abi namarida neis abara kaimeg giz,

Mataio 11:2 ပူးပေါင်းရင်းမြစ်များ

Mataio 1:17

Dasmer, nosik uridili a ditimeda Aberahama bakedida Dauida dog foatin gaire nosik; a ditimeda Dauida dog bakedida abele kerker Isaraela namarare Babelonia ge foatin gaire nosik; a ditimeda Babelonia ge bakedida Keriso dog foatin gaire nosik.

Mataio 14:3

Abelelam Heroda emetu erpei Ioane, a ko abi didbare, a abi aziriklu abele au dubare meta ge, epe Herodialam, Filipo ra kosker abi narbetelam.

Mataio 4:12

Iesu asoli Ioane asirikilu abele au dubare meta, epe E bakeamulu Galilaiem.

Mataio 9:14

Ege Ioane ra kaimeg giz tabakeuare abim, kega, Nalugem keriba gaire kerker leueru baili, a pako gaire Faresaio, epe mara kaimeg giz nole leueru baili?

MAREKO 6:17

Emetu Heroda namarkare Ioane terpeirare, a abi didbare muige au dubare meta ge Herodialam, Filipo ra kosker abara narbet: abelelam E abi ispilu.

Luka 3:19

Ege Ioane abi barditug Heroda opole, epe Herodialam Filipo ra kosker abi narbet, pako gaire lu adud Heroda ikeli;

Luka 9:7

Ege Heroda opole asoli gaire lu uridili emetu ikeli: epe abara nerkep au okasosok, abelelam uader detager, kega, Ioane Bapataiso ko eded akaida eudelam;

Ioane 4:1

Opole umele gaire Faresaio aserare, kega, Iesu ko taraisare a bapataiso kaimeg giz tumege Ioane,