Mataio 11:18 - Miriam Mer Gospels 1902

¹⁸ Abelelam Ioane tabarki E nole eroli a nole eri, ege uiaba mer abim, E nagri demoni abi dog.

Mataio 11:18 ပူးပေါင်းရင်းမြစ်များ

Mataio 10:25

Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?

Mataio 11:17

Kega, Keriba uabi burar diberi, a uaba nole ginar keribim; a keriba uabi ebazuer, a uaba nole ebazoli op detapili keribim.

Mataio 3:4

Ege Ioane ra am uali kamela mus abara uak paur; abara leuer pem akerise ereger gako abele sumez isao.

Mataio 9:34

A Faresaio giz abielam detagerare, kega, Abele au demoni abi dog, abelelam E umele namuare demoni giz.

MAREKO 3:22

Aotale giz Ierusalemalam tabakeuare uiaba detager, kega, Belezebul abi dog, E demoni giz imuda opolelam demoni giz.

Luka 1:15

Abelelam E aule Iehoua ra opem, nole uaina are kak, pako gorog, a mitkar Lamar Zogo abele ge, ditimedelu abele kerker ge E osmelu.

Ioane 10:20

Dordor uiabielam detaut, kega, Demoni abi dog, E paim paim; nalugelam uaba abi asoli?

Ioane 7:20

Gaire le lakub abim detaut, kega, Demoni mari dog: niti de mari naraimeli mari uanapit?

Ioane 8:48

Iudaia giz abi detaut, kega, Nako, keriba nole barkak detaut ma Samaria le, a demoni mari dog?

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.