Mataio 11:11 - Miriam Mer Gospels 1902

¹¹ Ageakar kaka uabi detagered, Nole nerute le tekuei a esmelu kosker giz, aule tumem Ioane Bapataiso, epe abele le kebi kale abele kotor baselaia, E aule tumem abim.

Mataio 11:11 ပူးပေါင်းရင်းမြစ်များ

Mataio 11:10

Abelelam E pedali, mer detali abim, Dasmer, kaka namarid kara merkem mara opem, E paret mara gab mara opem.

Mataio 11:12

Ditimedlu Ioane Bapataiso ra kerker a bakedid peirdi, kotor ra baselaia gaire le etager, a uiaba saserim le etager ais.

Mataio 3:1

Abele kerker Ioane, nei atker Bapataiso le, tabarki E marau abele Iudaia sumez ge,

Mataio 3:11

Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;

Mataio 5:19

Dasmerare, ese le detui abele kebi gelar, a ereuerem le mokakalam, E nei eteker kebi kale abele kotor baselaia; epe ese le ikeli pako ereuerem abele, E nei eteker au kale abele kotor baselaia.

Luka 1:15

Abelelam E aule Iehoua ra opem, nole uaina are kak, pako gorog, a mitkar Lamar Zogo abele ge, ditimedelu abele kerker ge E osmelu.

Luka 7:28

Kaka uabim detager, Nolea perofeta osmelu koskerlam aule mokakalam Ioane Bapataiso: epe le kebile Ade ra baselaia ge, E aule abim.

Luka 9:48

Ege E uiabi daratagerare, kega, Ese nerute le tegared abele kebi uerem kari nei ge, ege E karim tegared: ese nerute le karim tegared, ege E tegared abele le kari namarida: abelelam E kebile ise uabim dali, E aule.

Ioane 1:15

Ioane abi ageakarem, a ereretikri, kega, Idali kaka detautili, kega, Nerute le kari sorge ikas au kale kari tumge; abelegelam E kekiam, ka keubu.

Ioane 1:27

E dali kari sorge ikas au kale kari tumem, kaka nole abkoreb ko detue abara teter gab mukub.

Ioane 10:41

Gaire le abim tabakeauare, a mer atager, kega, Ioane nole ikeli nerute atamelam; epe ageakar gaire mer uridili Ioane de abi abeilu.

Ioane 3:30

E ko bataili, kaka ko ekekeli.

Ioane 5:35

E lamepa be, pako batoamerdi; uaba laglag sererge abele be abi dog kerker ge.

Ioane 7:39

E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.