Mataio 10:41 - Miriam Mer Gospels 1902

⁴¹ Abele le egared nerute perofeta a perofeta nei ge, E nagri bodomalam abele perofetalam; a abele le egared nerute le barkak tonar a le barkak tonar nei ge, E nagri bodomalam abele le barkak tonar.

Mataio 10:41 ပူးပေါင်းရင်းမြစ်များ

Mataio 16:27

Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.

Mataio 25:44

Ege uiaba etkalu abim, kega, Opole ae, na gerger keriba mari erdali ma uererege, pako niap, pako supe le, pako nesur kak, pako gimgim, pako emeri abele audubare meta, a keriba nole mari memege le?

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

Mataio 6:1

Uaba nole nakuarare uaba nase lu le ra opem, iaueakai uiaba erdali ua mokakalam ikerare; ege nole uaba bodomalam nagri abielam uaba Aba emerilu kotor ge.

Mataio 6:18

Iaueakai gaire le nole ardar kak ma leuer baili, epe mara Aba penoka dali ardar kak uteb ge; a mara Aba E ua dasmerare abele ardar kak uteb, E mari etomer paret kak mari bodomalam.

Mataio 6:4

Iaueakai gaire mara nase lu nole le asmer kak; epe mara Baba dasmerauem abele lu mude ge, E mari ikuar paret kak mari bodomalam.

Mataio 6:6

Ese ma esorerapare, ma ge bao mabi uteb ge, a dimi abara te, ege ma abi esorerapare mara Baba penoka dali ardar kak uteb ge; mara Baba E darasmerare abele ardar kak uteb ge, E mari nakuaroa paret kak mari bodomalam.

Mataio 7:8

Abelelam ese le abi damsare E nagri; abele le deraimer E abi erdali; a diski abele le abi dida mudumud.