Mataio 10:4 - Miriam Mer Gospels 1902

⁴ Simona Kanana le, pako Iuda Isakariota, E abi keserkeser.

Mataio 10:4 ပူးပေါင်းရင်းမြစ်များ

Mataio 26:14

Nerute le abele tuelf lelam, abara nei Iuda Isakariota, E bakeam gaire au zogozog le giz,

Mataio 26:15

A uiabi kega, Nalu lu uaba kari ikuar, a kaka abi ikuar uabim? Ege uiaba abi ikuar mani thirti.

Mataio 26:2

Uaba umele, eseamud neis gereger abele paseka ikeli, a Le la Uerem namarid ko satauroem.

Mataio 26:47

Dasmer, E mer detaut, Iuda tabarki, nerute le tuelf lelam, E kemem gaire le lakub, pako zogozogo le giz, a aule giz abgedlam, uiaba nagri teibur aososo tulik pako gabgab.

Mataio 27:3

Iuda umele, abele le abi mirem, E ko obazgeda, a ko ikuar thirti gaire mani gaire zogozogo le, pako aule giz,

MAREKO 14:10

Nerute le, abele tuelf lelam, nei Iuda Isakariota, E bakeam uiabim zogozogo le giz, ko abi keserkeser uiabim.

MAREKO 14:43

E abele mer detager, sobkak Iuda tabarki, nerute le tuelf lelam, a abi kemem gaire le uridili teibur tulik a gabagaba taraisare, uiabielam zogozogo le giz, a aotale giz, a au le giz.

Luka 22:3

Ege Satana balu muige Iuda, nei atker Isakariota, abara nerkep, E nerute tuelf le.

Luka 22:47

E uiabi meratager, a dasmer, gaire le lakub pako Iuda, nerute le tuelf lelam, E kekiam uiabi dog; a maiem Iesuim, E lagelag eskos.

Ioane 13:2

Kikem leuer ero, diabolo ikedi Iuda Isakariota ra nerkep, Simona ra uerem, ko abi keserkeser,

Ioane 6:64

Uader uabielam nole oatur kak. Iesu umele gizlam uiaba nole oatur kak, a abele le abi keserkeser.

Ioane 6:71

E Iudalam detager, Simona Isakariota ra uerem: abelelam E ko abi keserker, E nerute tuelf lelam.