Mataio 10:25 - Miriam Mer Gospels 1902

²⁵ Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?

Mataio 10:25 ပူးပေါင်းရင်းမြစ်များ

Mataio 12:24

Gaire Faresaio giz aserare, a uiaba mer abielam, Ese nole Belezebul demona giz opole, umer kak abele le demona imud.

Mataio 12:27

Ese kaka imuare demoni giz Belezebulelam, a nete imuare demoni uaba omasker giz? abele lu peike ikeli uiaba meratager uabim.

Mataio 9:34

A Faresaio giz abielam detagerare, kega, Abele au demoni abi dog, abelelam E umele namuare demoni giz.

MAREKO 10:39

Uiaba abi detagereda, kega, Ki umele. Iesu uiabi detagereda, kega, Uaba ko tanelu ereli kaka ko are; a bapataiso egared kari bapataiso:

MAREKO 3:22

Aotale giz Ierusalemalam tabakeuare uiaba detager, kega, Belezebul abi dog, E demoni giz imuda opolelam demoni giz.

Luka 11:15

Uader le batagelare, kega, Belezebul, demoni giz opole, abelelam E umeli demoni imud.

Luka 11:18

Ese Satana tababu barili a epuli, nako E umele niaiem ekue, pako abara baselaia? abelelam, pe ua detager, kega, Belezebul, abelelam ka demoni imuda.

Luka 11:19

Ese kaka namuare demoni Belezebuloelam, netide uanamuare demoni giz a uaba omasker giz? abelelam keubu gerger ge, uabi uaditimerare.

Ioane 10:20

Dordor uiabielam detaut, kega, Demoni abi dog, E paim paim; nalugelam uaba abi asoli?

Ioane 7:20

Gaire le lakub abim detaut, kega, Demoni mari dog: niti de mari naraimeli mari uanapit?

Ioane 8:48

Iudaia giz abi detaut, kega, Nako, keriba nole barkak detaut ma Samaria le, a demoni mari dog?

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.