Mataio 10:23 - Miriam Mer Gospels 1902

²³ Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.

Mataio 10:23 ပူးပေါင်းရင်းမြစ်များ

Mataio 16:27

Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.

Mataio 16:28

Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.

Mataio 2:13

Ui bakeuare, dasmer, abele Opole ra angela E natomertare Iosefaim abele peim ge, kega, Tekue, ma ais abele sursur uerem, gako abara apu, ua derareteder Aigupitoem, uaba emeridare kari naokaideroa kara mer marim, abelelam abele Heroda E deraimerare abele sursur uerem ko ipitare eumilu.

Mataio 23:34

Dasmer abele lu, kaka uabi namarida perofeta giz, pako pardali le giz, pako aotale le giz; uader le uaba narsare, pako satauroem; a uader le uaba damarika uaba sunago, pako deraimerare nerute uteb a nerute uteb;

Mataio 23:36

Ageakar kaka uabi detager, Gaire lu uridili tabarki tumem abele nosik.

Mataio 24:27

Abelelam mokakalam perper bilba abele naiger pek, a ko datki abele ziai pekem; mokakalam Le la Uerem ko tabarki.

Mataio 24:30

Ege erdali abele kotor ge abele atamelam Le la Uerem: a gaire nosik le abele geseb ge au ebazuer, a uiaba erdali Le la Uerem tabarki gaire baz abele kotor ge, pako abele adigir a au zorom zorom.

Mataio 24:34

Ageakar kaka uabi detager, Nole eseamud abele nosik, mena bakedilu gaire lu uridili.

Mataio 24:48

Ese abele adud memeg le E tababu detager tabara nerkepu, Kara opole uapum tabakeam;

Mataio 25:13

Peike, uaba nole ute kak, abelelam uaba umer kak abele gerger pako abele haua ge Le la Uerem tabarki.

Mataio 26:64

Ege Iesu abi detager, Eko, mama detager; kaka uabi detager, Keubu uaba erdali Le la Uerem E emri tuter tag abele adigir kemer le, E ko tabakeam gaire kotor baz giz ge.

Mataio 4:12

Iesu asoli Ioane asirikilu abele au dubare meta, epe E bakeamulu Galilaiem.

MAREKO 13:26

A uiaba ko dasmer Le la Uerem baz giz ge tedegemele, kemem au adigir a zorom zorom.

Luka 18:8

Kaka uabi detagereda, E dudum nautumerare uiaba lu. Ese Le la Uerem uatabaruk, nako E nagri le abim oituli geseb ge?

Luka 21:27

Epe uiaba erdali Le la Uerem tabarki baz kotor ge, E au adigri au zoromzorom.

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.