MAREKO 9:47 - Miriam Mer Gospels 1902

⁴⁷ Ese mara pone mari nadkoli, dikiamur; debele ma Ade ra baselaia barot a netate pone, adud neis pone gena ra ur batauered:

MAREKO 9:47 ပူးပေါင်းရင်းမြစ်များ

Mataio 18:9

Ese mara pone mari nadkoli, ma dekeamur adem batauered; debele ma bao abele eded a netat pone, au adud mari batauered abele ur genaim a neis pone.

Mataio 5:22

Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.

MAREKO 9:43

Ese mara tag mari nadkoli, ismi adem; debele ma ededem barot netate tag, a adud neis tag gena barot, abele ur asam kak:

MAREKO 9:46

Abele nole eud kak uiaba gegedar, a ur asam kak niaiem.

Luka 14:26

Ese nerute le karim tabakeamu, a nole derara tabara aba, a apu, a kosker, a omasker giz, a boai giz, a berbet giz, pako tabara eded, umer kak E dali kara kaimeg kar.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.