MAREKO 9:29 - Miriam Mer Gospels 1902

²⁹ E uiabi daratagereda, kega, Abele lu mokakalam nole tabarki, mamoro esorerapare, a leuer baili tepteb.

MAREKO 9:29 ပူးပေါင်းရင်းမြစ်များ

Mataio 12:45

Ege E bakeamulu, a taraisare uader sefen lamar au adud abi tumge, ege uiaba barot a bamer; ege au adud mop abele le, a kebi adud abara giz. Mokakalam ikeli abkoreb abele nosik le adud.

Mataio 17:20

Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.

Mataio 17:21

Epe tepteb abele esorerapare pako abele leuer baili umele adem bakeuare gaire lu mokakalam.

MAREKO 9:28

Iesu meta ge barot, abara kaimeg giz gumik abim eutumer, kega, Nalugem keriba umer kak abim imuare?

MAREKO 9:30

Uiaba ab gedelam teosmeda, a eipu Galilaia nakaseredi; E nole lakak nerute le abi dasmer.

Luka 11:26

Ege E bakeamulu, taraisare uader sefen lamar, ui au adud abi tumge; a bakeuare barot muige, a bamer: ege E au adud abele le la mop, abele gerger ge ditimedelu.