MAREKO 9:28 - Miriam Mer Gospels 1902

²⁸ Iesu meta ge barot, abara kaimeg giz gumik abim eutumer, kega, Nalugem keriba umer kak abim imuare?

MAREKO 9:28 ပူးပေါင်းရင်းမြစ်များ

Mataio 13:10

Ege abara kaimeg giz tabaruka abim, a abim kega, Nalugem ma uiabim detagereda no mer babisdarie?

Mataio 13:36

Ege Iesu dikaer abele le lakub, a balu abele meta ge; ege abara kaimeg giz tabakeuare abim, kega, Ma keribi etomeret tonar abele mer babisdarie abele ditania abele ged ge.

Mataio 15:15

Ege Peteru abim detaut, kega, Ma keribi etomeret abele mer babisdarie.

MAREKO 2:1

Gerger giz barki, E iako Kaperenauma uatabu; ui asereda E muige meta.

MAREKO 3:20

Ege gaire le netat gedim, abelelam uiaba umer kak leuer aroare.

MAREKO 4:10

E tepteb emri, gaire le abi dog emri, pako tuelf le, abi itmer tonar abele mer babisdarie.

MAREKO 4:34

E nole uiabim atager kak, ese nole mer babisdarie; uiaba mud uteb ge, E uiabim, abara kaimeg giz, gaire tonar mer detaut.

MAREKO 7:17

E metaem balu gaire le kublam, abara kaimeg giz abim eutumer tonar mer babisdarie.

MAREKO 9:27

Iesu abara tag datkimoartare, a abi tekuelu; E tababu tekue.

MAREKO 9:29

E uiabi daratagereda, kega, Abele lu mokakalam nole tabarki, mamoro esorerapare, a leuer baili tepteb.