MAREKO 9:25 - Miriam Mer Gospels 1902

²⁵ Iesu gaire le lakub dasmer netat gedim koreder, E uit lamar daisumda, a abi detager, kega, Mama lamar te dabimdabim a grip batapili, kaka marim mer tigri, abielam toesmeda, a nole abi nerkep ge iako barot.

MAREKO 9:25 ပူးပေါင်းရင်းမြစ်များ

Mataio 12:22

Ege tais abim abele le demona balu muige, abele le E sadamer, a E ko te dabimdabim: E abi idigir, a mamor mer etkalu, a ko dasmer, abele le sadamer pako te dabimdabim.

Mataio 17:18

Iesu abi daisumdalu, ege adem esomelu adige abele demona abielam; epe abele uerem ko eded akaida, ditimedlu abele haua ge.

MAREKO 9:15

Uiaba uridili abi dasmerare, sobkak uiaba damreda, a abim koreder kega, Maiem.

MAREKO 9:24

Sobkak abele uerem ra aba ereretikri, a ezoli detagereda, kega, Opole, kaka oituli, kara kebi oituli upinati.

MAREKO 9:26

E ereretikri, a abi darbor, a tosemeda; abele uerem mokakalam le eud; iueakai gaire le batagereda, kega, E dali eumida.

Luka 11:14

E imud nerute demoni, ege E te dabimdabim. Ege demoni baos abielam, ege E mer etkalu, abele le te dabimdabim; ui ge gaire le giz abi damerare.

Luka 4:35

Epe Iesu abi daisumda, kega, Bamer, ma adem osmeda abielam. Epe demoni abi ekesmeri uiabi opem, epe abim osmeda, nolea adud nagri.

Luka 4:41

Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.

Luka 8:29

Abelelam, E abi detager, kega, Ma lamar uit teosmeda lelam. Abelelam gaire gerger E abi erpei: ege uiaba abi didbari malil par, pako lu dimili abara teter, a uiaba abi asesered; ege E umele malil par dergeir, epe demoni giz abi ais sumez ge.

Luka 9:42

Ege E tabakeamu, E ekesmeri, E udud, abele demoni giz, epe Iesu daisumda abele uit lamar, pako idigiri abele uerem, E ikuar abara aba.