MAREKO 9:22 - Miriam Mer Gospels 1902

²² Gaire kerker E abi ur ge batauered, a ko ni batauered, ueakai abi ipit eumilu: ese mama umele, ma keribi upinati, a keribi omare.

MAREKO 9:22 ပူးပေါင်းရင်းမြစ်များ

Mataio 14:31

Ege Iesu de tag itrimuriklu, a abi erpeilu, a abim kega, Mama le kebikebi oituli, nalugelam mama asared?

Mataio 17:15

Opole ae, ma abi omare kara uerem, E paim gim nagri au asiasi, abelelam gaire gerger ekesmiri abele ur ge, mokakalam gaire gerger abele ni ge.

Mataio 20:34

Ege Iesu au nasenase, a natutilu uiaba pone: ege sobkak ui ge pone bakaerti, a ui ge abi irmilei.

Mataio 8:2

Dasmerare, nerute lepera tabarki a etkobeilu abim, kega, Opole ae, ese ma lag ma umele kari idigiri.

Mataio 9:28

E balu abele meta ge, a neis sadamer le tabakeamulei abim; a Iesu uiabi daratager neis le, Nako uaba karim oituli kaka umele abele lu ikeli? Epe uiaba detaut, Uao, Opole.

MAREKO 5:19

E nole laglag, E abi detager, kega, Bakeam mabara ged, a mabara boai, a uiabi natomertauem abele gaire au lu Opole de marim ikeli, a mari omare.

MAREKO 9:21

Iesu abara aba itmer, kega, Na kerker abele lu abim tabarki? E detaut, kega, Ditimeda kebi uerem.

MAREKO 9:23

Iesu abi detager, kega, Ese mama umele! Gaire lu eseamuda umele abi abele le oituli

Luka 7:13

Ege Opole abim erdali, E au omare a au nasenase abim, ege abi detager, Ma nolea ezoli.