MAREKO 8:38 - Miriam Mer Gospels 1902

³⁸ Abelelam ese nerute le kari sirip ge, pako kara mer, eipu abele nosik adud le pako eruam le, abkoreb Le la Uerem ko abi sirip ge, E tabarki kemem gaire angela zogo, abara Aba zorom ge.

MAREKO 8:38 ပူးပေါင်းရင်းမြစ်များ

Mataio 12:39

E etkalu uiabim, kega, Abele nosik adud le pako eruam sus uiaba karim deraimer nerute atamelam; ege umer kaka uiabi dekuarare, a tepeteb Iona perofeta ra atamelam:

Mataio 13:41

Le la Uerem namarkare abara angela uiaba taraisare muige abara baselaialam uiaba le asareda, pako uader le adud tonar;

Mataio 16:27

Abelelam Le la Uerem tabarki kemem pako abara angela taba Aba ra zorom ge; epe E bodomalam le giz abkoreb uiaba dorge.

Mataio 16:28

Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.

Mataio 16:4

Abele nosik le adud, pako kogem le giz, uaba karim deraimerare nerute atamelam; umer kak nerute atamelam uabi nakuarare, a tepteb Iona perofeta ra atamelam. E dikaerlu uiabim, a adem bakeamulu.

Mataio 24:30

Ege erdali abele kotor ge abele atamelam Le la Uerem: a gaire nosik le abele geseb ge au ebazuer, a uiaba erdali Le la Uerem tabarki gaire baz abele kotor ge, pako abele adigir a au zorom zorom.

Mataio 25:31

Ese Le la Uerem tabarki tabara zorom, pako zogo angela giz uridili kemem abi dog, epe E egimuru tabara bao zorom ge:

Mataio 26:64

Ege Iesu abi detager, Eko, mama detager; kaka uabi detager, Keubu uaba erdali Le la Uerem E emri tuter tag abele adigir kemer le, E ko tabakeam gaire kotor baz giz ge.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

MAREKO 13:26

A uiaba ko dasmer Le la Uerem baz giz ge tedegemele, kemem au adigir a zorom zorom.

MAREKO 14:62

Iesu detaut, kega, Kakanali; uaba ko dasmer Le la Uerem adigir tuter tag emeri, a ko tabakeam gaire kotor baz giz ge.

MAREKO 8:37

Nade lu le ikuar abara eded bodomalam?

Luka 19:26

Abelelam kaka uabi detagereda, Ese le nagri lu, E ais; ese nerute le nolea lu kak, E itkamer abara lu.

Luka 9:26

Ese nerute le kari sirip ge, pako kara mer, abkoreb Le la Uerem ko abi sirip ge, E tabarki kemem gaire angela zogo, abara Aba zorom ge.

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 1:51

Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.

Ioane 12:34

Gaire le abi detaut, kega, Keriba asoli gelarlam, kega, Keriso niaiem tekue: nalugelam mama detaut, kega, Ko armem egaret Le la Uerem? Nete Le la Uerem dali?

Ioane 5:27

Emetu abi ikuar adigir ko itmer, abelelam E Le la Uerem.