MAREKO 8:31 - Miriam Mer Gospels 1902

³¹ E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.

MAREKO 8:31 ပူးပေါင်းရင်းမြစ်များ

Mataio 12:40

Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.

Mataio 21:42

Iesu uiabi detager, Nako uaba nole etag abele jauali zogo, Abele baker gaire meta tonar le desauersili, a dikri, a mena ko ikeli kop tumge; abele lu Opole ikeli, meriba dasmerare, a abi damreda?

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

MAREKO 12:10

Nako uaba nole jauali zogo atager kak, kega, Abele baker uiaba gaire le meta emorare dituaki, emetu ikeli abele meta serer ge:

Luka 17:25

Abkoreb kekiam gaire asiasi abim, a abele nosik uiaba abi dikaer.

Luka 24:26

Abkoreb Keriso kekiam au asias gaire lu mokakalam, a keubu abara zorom tabarki.

Luka 24:44

A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.

Ioane 12:48

Abele le kari natuaki, a nole kara mer egaret, abi dog dulam: abele mer kaka detaut, E dali abi dulam keubu gerger.

Ioane 2:19

Iesu uiabim etkalu, a detaut, kega, Eogerdi abele meta, kaka iako ikeli thri gerger.