MAREKO 8:2 - Miriam Mer Gospels 1902

² Kaka le lakub nasenase, abelelam uiaba thri gerger kari dog emri, a nole leuer aro kak;

MAREKO 8:2 ပူးပေါင်းရင်းမြစ်များ

Mataio 14:14

Ege Iesu bakeamulu, a uiaba nardarare abele gaire le lakub, abara nase baruk uiabim, E idigir uiaba gim le giz.

Mataio 20:34

Ege Iesu au nasenase, a natutilu uiaba pone: ege sobkak ui ge pone bakaerti, a ui ge abi irmilei.

Mataio 9:36

E nardare gaire lekub, epe E au nasenase uiaba, abelelam uiaba au sagim a dekaertare, mokakalam mamoe giz nole le asesered kak.

MAREKO 1:41

E abi omare, a tag itrimuda, a abi ituti, a abi detager, kega, Kara lag; ma idigiri

MAREKO 5:19

E nole laglag, E abi detager, kega, Bakeam mabara ged, a mabara boai, a uiabi natomertauem abele gaire au lu Opole de marim ikeli, a mari omare.

MAREKO 6:32

Uiaba nar ge gumik atiem abele le kak utebem.

MAREKO 6:34

E bakeam a gaire le dasmerauem, a uiabi nasge, abelelam uiaba mokakalam mamoe giz nole le asesered kak; a E uiabi ditimeda ereuerem gaire lu dordor.

MAREKO 8:3

Ese kaka uiabi meta namarida, a nole leuer aro kak, uiaba gab ge durdur; abelelam uader muriz gedelam.

MAREKO 9:22

Gaire kerker E abi ur ge batauered, a ko ni batauered, ueakai abi ipit eumilu: ese mama umele, ma keribi upinati, a keribi omare.

Luka 15:20

E ekueilu bakeamulu tabara aba. Ege abi abet muriz ge erdali, epe E au nasenas, E au koreder, a abi erpei, a eskos.

Luka 7:13

Ege Opole abim erdali, E au omare a au nasenase abim, ege abi detager, Ma nolea ezoli.