MAREKO 8:17 - Miriam Mer Gospels 1902

¹⁷ Epe Iesu opasereret, E uiabi detager, kega, Nako uaba mer atager abele nole leuer kak? Nako uaba nole umer kak, uaba nole akiapor kak? nako uaba tumtum nerkep?

MAREKO 8:17 ပူးပေါင်းရင်းမြစ်များ

Mataio 12:15

Ege Iesu erdali, epe bakeamulu adem abele uteblam; a gaire le lakub abi irmilare, E uiabi uridili idigir,

Mataio 15:17

Nako uaba mena umer kak, gaire lu uridili ikedi abele te a ko irmi abele kem ge, ege imuda abele sumez ge?

Mataio 16:7

Ege uiaba mer atager, kega, Abara merlam, abelelam meriba nole areto tais.

MAREKO 16:14

Keubu, Iesu paret kak osmeda uiabim gaire elefen le, uiaba aroem; E uiabi nakereda nole oatur kaklam, a kelarkelar nerkep, abelelam uiaba nole oatur kak abele gaire le abi dasmer E eded akaida.

MAREKO 2:8

Sobkak Iesu opasereret muige abara nerkep abele uiaba dikiapor muige uiaba nerkep, E uiabim detager, kega, Nako uaba dikiapor mokakalam muige uaba nerkep?

MAREKO 3:5

E uiabi urkerem deraueli dasmerare, abara nerkep isir uiaba tonarlam bamesili, E le detager, kega, Mara tag uaimari. Abara tag uaimari; ueakai abara tag ekaida debele mokakalam nerute.

MAREKO 6:52

Uiaba nole akiapor kak abele areto, abelelam uiaba nerkep kelarkelar.

MAREKO 8:16

Uiaba mer atagere, kega, Abelelam meriba nole areto kak.

Luka 24:25

Ege E uiabi daratagerare, kega, Le paim, a peper nerkep, nole oituli gaire lu uridili gaire perofeta giz etomereti!

Ioane 16:30

Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.