MAREKO 6:6 - Miriam Mer Gospels 1902

⁶ E au damreda uiabielam uatur kak. E bakeamuda deraueida abele gaire kebi uteb ge, a okadeskeda.

MAREKO 6:6 ပူးပေါင်းရင်းမြစ်များ

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

Mataio 9:35

Ege Iesu deraueli gaire utebe uridili pako kebi utebe, a ereuerem uiaba sunago ge, a marau abele baselaia ra debe mer, E nadgirare gim le uridili, pako au asiasi gim le abele ged ge.

MAREKO 1:39

E marau muige gaire uiaba sunago Galilaia uridili, a demoni giz imuda.

MAREKO 10:1

E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.

Luka 13:22

Ege E bakeamulu uteb a kebi uteb giz, ege E ereuerem, a bakeamulu Ierusalema ge.

Luka 4:31

Epe E bakeamulu Kaperanauma, Galilaia ra uteb. Ege E uiabim ereuerem sabath ge:

Luka 4:44

Epe E marau abele sunago giz Galilaia ge.

Ioane 9:30

Abele le uiabim detaut, kega, Dame lu peik, uaba nole umer kak E nagelam, a E emetu kara neisi pone diski.