MAREKO 6:34 - Miriam Mer Gospels 1902

³⁴ E bakeam a gaire le dasmerauem, a uiabi nasge, abelelam uiaba mokakalam mamoe giz nole le asesered kak; a E uiabi ditimeda ereuerem gaire lu dordor.

MAREKO 6:34 ပူးပေါင်းရင်းမြစ်များ

Mataio 14:14

Ege Iesu bakeamulu, a uiaba nardarare abele gaire le lakub, abara nase baruk uiabim, E idigir uiaba gim le giz.

Mataio 15:32

Ege Iesu darabgerare abara kaimeg giz, kega, Kaka niabi nasenase abele le lakub, abelelam thri gerger peirdi uiaba emri kari dog, a nole leuer kak. Kaka umer kak uiabi namarkare ko bakeuare, a nole leuer aro kak, mena uiaba uererege abele gab ge.

Mataio 9:36

E nardare gaire lekub, epe E au nasenase uiaba, abelelam uiaba au sagim a dekaertare, mokakalam mamoe giz nole le asesered kak.

MAREKO 6:33

Gaire le lakub dasmer uiaba atiem, gaire le abi opaserertem, a koreder ge abim gaire gedelam uridili, uiaba kekiam tabarki, a netat gedim abim.

MAREKO 6:35

Kikem, abara kaimeg giz abim tabakeuare, a detager, kega, Soge pur ike, a kikem:

MAREKO 8:1

Abele gaire gerger, dordor le lakub, a uiaba nole leuer kak, E tabara kaimeg giz darabgerare, a uiabi detagereda, kega,

MAREKO 8:2

Kaka le lakub nasenase, abelelam uiaba thri gerger kari dog emri, a nole leuer aro kak;

Luka 9:11

Ege gaire le lakub uiaba emetu umele, a uiaba abi irmilare: ege E uiabi agiz, E uiabi detager tonar Ade ra baselaia ge, pako idigiri uader le lagelag eded.