MAREKO 6:15 - Miriam Mer Gospels 1902

¹⁵ Uader detager, kega, Elia pedali. Uader detager, kega, Perofeta pedali, abelelam E nerute perofeta mokakalam.

MAREKO 6:15 ပူးပေါင်းရင်းမြစ်များ

Mataio 16:14

Uiaba abi detagerare, Uader le la mer, mama Ioane Bapataiso; a uader le, mama Elia; a uader le, Ieremia, pako nerute perofeta.

Mataio 21:11

Ege le lakub uiaba kega, Abele Iesu ike, Nazareta perofeta, Galilaialam.

MAREKO 6:16

Heroda asoli, E detager, kega, Ioane pedali, karielam abara kerem derapeida, E eded akaida eudelam.

MAREKO 8:28

Uiaba detaut, kega, Ioane Bapataiso; epe uader detager, Elia; a uader detager, Nerute perofeta giz.

Luka 1:17

E kekiam Elia ra op ge, a adigir gako saserim, a nerkep depeger abem a apuem a omaskerem, darapegerare uiabim asorkaklam debe pardalem a debe tonarem; a ege derser abged abkoreb Iehouaim.

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Luka 7:39

Ege Faresaio le umele Iesu E mer abim, epe E dikiapore muige abara nerkep, Ese abele le E perofeta, nako E umele abele kosker, pako abara tonar, ege E abi itut: abelelam abele kosker E uit le.

Luka 9:19

Ege uiaba abi detautare, kega, Ioane Bapataiso; epe uader detager, kega, Elia; a uader detager, kega, Nerute perofeta emeretlam, E ko eded akaida.

Luka 9:8

A uader detager, kega, Elia pedali paret kak; epe uader detager, kega, Nerute perofeta emeretlam, E ko eded akaida.

Ioane 1:21

Uiaba abi itmerare, kega, Ma nete? Ma Elia ao? E etkalu, kega, Kaka nolea. Ma perofeta ao? E etkalu, Nolea.

Ioane 1:25

Uiaba abi itmerare, a abi detagerare, kega, Nalugem ma bapataiso, ese ma nole Keriso, a nole Elia, a nole nerute perofeta?

Ioane 6:14

Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.

Ioane 7:40

Uader lekublam asoli abele mer, uiaba detager, kega, Ageakar, E perofeta pedali.

Ioane 9:17

Uiaba iako sadamer detaut, kega, Nako mara mer abim, abelelam E mara neisi pone diski? E detager, kega, E perofeta.