MAREKO 6:12 - Miriam Mer Gospels 1902

¹² Uiaba bakeauda, a marau, kega, Mamor uaba gaire le obazegeda.

MAREKO 6:12 ပူးပေါင်းရင်းမြစ်များ

Mataio 11:1

Emetu Iesu mer tigri abara kaimeg giz tuelf le, ege E adem bakeamulu abele utebelam, a ereuerem pako etomeret uiaba utebim.

Mataio 11:20

Ege E dauersili gaire uteb ikerare gaire abara adigir, abelelam uiaba nole obazgeda kak.

Mataio 3:2

Kega, Ma obazgeda, abelelam kotor baselaia maike.

Mataio 3:8

Uaba turum nagri abkoreb uaba obazgeda:

Mataio 4:17

Abele kerker Iesu ditimeda ko marau, kega, Uaba obazgeda; abelelam kotor baselaia maike.

Mataio 9:13

Ua bakeuare a ereuerem nalu tonar abele mer, Kaka lagelag abele nasenas, a nole abele zegu lu; abelelam kaka nole tabarki darabgerare gaire le barkak tonar, epe uite le giz uiaba obazgeda.

MAREKO 1:15

Kerker ge tabarki, a Ade ra baselaia maike; uaba obazgeda, a debe merkem oituli.

MAREKO 1:3

Le kodo ereretikri soge purge, kega, Paret Iehoua ra gab, barditug abara gab giz.

Luka 11:32

Ui ge bako Nineua ge, abele gerger ge uanautumerare abele nosik, E uiabi bodomalam: abelelam uiaba obazgeda Iona ra marau; dasmer, ike abele nerute le au kale tumem Iona.

Luka 13:3

Kaka uabi detagereda, Nolea: ese uaba nole obazgeda, abkoreb uaba uridili baum.

Luka 13:5

Kaka uabi detagerare, Nolea: ese uaba nole obazgeda, abkoreb uaba uridili baum.

Luka 15:10

Kaka uabi detager, kega, Mokakalam Ade ra angela kotor ge sererege, le uit a emetu obazgeda.

Luka 15:7

Kaka uabi detager, kega, Mokakalam gaire le kotor ge au sererege le uit a emetu obazgeda, a kebi kebi sererege nainte nain le giz barkak nole dikiapor obazgeda.

Luka 24:47

Iaueakai natomertare obazgeda, a adigiri uit ged uridili, abara nei ge, ditimeda Ierusalema.

Luka 9:6

Ege uiaba bakeauare, deraueli gaire ged, a natomertare Ade ra debe mer, a uiabi idigiri gaire gim le uridili.