MAREKO 5:7 - Miriam Mer Gospels 1902

⁷ E au kodo ereretikri, kega, Kaka nako marim, Iesu Ade ra Uerem, au kale? Kaka marim bali Ade ra op, nole kari asiasi nakeli.

MAREKO 5:7 ပူးပေါင်းရင်းမြစ်များ

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 4:3

E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

Mataio 8:29

Darasmer, neis le ereretikri, kega, Nalu mara mer keribim, Iesu ae, Ade ra Uerem? Nako ma tabakeam ike keribim ikeli asiasi a nole bakedida abele niai kerker?

MAREKO 1:24

Iesu Nazaretalam, keriba nako marim? nako, mama tabarki keribi adem dipit? kaka mari opasereret, Ade ra Zogo.

MAREKO 14:61

Epe E bazeguar, a nole mer kak. Ege kole zogozogo le giz iako abim eutumer, a abi detager, kega, Ma Keriso nali, Aosperera ra Uerem me?

MAREKO 3:11

Uite lamar giz abi dasmerare, uiaba abim bakesmeri, a ereretikri, kega, Mamanali Ade ra Uerem.

MAREKO 5:6

E muriz ge Iesui dasmer, E koreder abim a esorgiru.

MAREKO 5:8

Abelelam, E abi detager, kega, Ma lamar uit teosmeda lelam.

Luka 1:32

E au kale, a nei etkeroa, Ageakar Opole ra Uerem: a Ade de abi nakuar ko emeri Dauida ra sik, abara aba:

Luka 4:34

Kega, Uaiai! Iesu Nazareta le, ma nalugelam keribim? ege ma tabakeamulu ueakai keriba baum? ege kaka umele marim, Ade ra Zogo.

Luka 6:35

Debele uaba omare uader uabim derarti, pako urker uabim, debele uaba debe dorge uiabim, pako ikuar mani uader uabi damosi, uaba nolea dikiapore lu abkoreb; ueakai bodomalam nagri, uaba Ade ra omasker: abelelam E omare uit le, pako gaire adud le.

Luka 8:28

Ege E abi erdali Iesu, E au kodo ereretikri, a E ekesmeri abara opem, ege E abi elele detager, kega, Kaka nako marim, Iesu Ade ra Uerem au kale? Kaka marim bali, nole kari asiasi nakeli.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.