MAREKO 5:13 - Miriam Mer Gospels 1902

¹³ Iesu sobkak uiabi emarida. Abele uit lamar giz teosmeda, a gaire borom ge barti; epe borom isir uamen uamen koreder au gorgorlam keperem, (uiaba maike tu thausan;) iako gune obaiter.

MAREKO 5:13 ပူးပေါင်းရင်းမြစ်များ

Mataio 7:6

Nole abkoreb uaba ikuar abele zogo lu omai giz, a ua nole dikri uaba penina gaire borom giz ra opem, mena esapirda uiaba teter, a ko batauered uabi eregili mogamog.

Mataio 8:32

Ege E abi detager uiabim, Ua bakeuare. Ui ge baos adem, a bakeuare abele gaire boromaem; darasmerare, abele borom au isir baupamarti abele au uak gur ge, a baum eseamulu abele gur ge.

MAREKO 5:12

Gaire demoni giz abi damseda, kega, Keribi demarida gaire boromem, ko keriba uiabim badari.

MAREKO 5:14

Le giz borom naseserdare koreder ge, a gedim, pako gaire ged daratagerare. Uiaba tabakeuare, a dasmer abele tonar ikeli.

Ioane 8:44

Uaba uaba abalam diabolo, uaba lagelag uaba abara lag ikeli. E dipe le gizelam, a nole ageakar, abelelam nole nerute ageakar abi dog. Ese E bes mer detaut, E detaut tababielam; abelelam E besbes, a aba bes apu.