MAREKO 2:12 - Miriam Mer Gospels 1902

¹² E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.

MAREKO 2:12 ပူးပေါင်းရင်းမြစ်များ

Mataio 12:23

Ege gaire le lakub uridili abi damered, a uiaba mer, kega, Nako nole Dauida ra Uerem pedali?

Mataio 15:31

Ege gaire le lakub abi damreda, abelelam uiaba abi erdarare uader le te dabimdabim a mer detaut, a uader le gebgeb ko kemerkemer, a uader le ibibi ko nakasir, a uader le sadamer ko darasmerare; ege uiaba abi despereda abele Isaraela Ade.

Mataio 9:33

E abi imuare abele demoni; ege le mamoro mer etakalu, abele le te dabimdabim: ege lekub uiaba abi damarare, a mer detagerare, kega, Emeretalam meriba nole erdali nerute lu mokakalam Isaraela ge.

Mataio 9:8

Epe le lakub abi erdarare, uiaba sererege, a desperare Adim, E nakuarare abele sirdam le mokakalam.

MAREKO 1:27

Uiaba uridili damered, a mer atager, kega, Nalu pedali? nako abele kerkar ereuerem? abelelam sumes lamar giz E sirdam adigir, uiaba abi asoli.

MAREKO 2:11

Kaka mari natager, kega, Tekue, mabara sik ekau, a mabara meta bakeamulu.

Luka 13:13

Ege abara tag abi dog dikmerik: ege E barkak ekueilu, ege E Ade desper.

Luka 17:15

Nerute le emetu opasereret emetu idigir, E ko akomelu, ege Ade desper, a au ereretikri:

Luka 5:26

Uiaba uridili au damrare, uiaba naospered Adim; ege uiaba au geum, kega, Abelelam kerkar abele lu meriba erdalare abele gerger.

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Ioane 7:31

Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?

Ioane 9:32

Netede asoli emeret ge nerute le umele diski neisi pone abele le sadamer teosmelu?