MAREKO 16:16 - Miriam Mer Gospels 1902

¹⁶ Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

MAREKO 16:16 ပူးပေါင်းရင်းမြစ်များ

Mataio 28:19

Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:

MAREKO 1:15

Kerker ge tabarki, a Ade ra baselaia maike; uaba obazgeda, a debe merkem oituli.

Luka 8:12

Abele uader le gab ge emeri, ege uiaba asoli; epe Satana tabarki a abele mer uiabi nerkep ge emor ekadari, iaueakai nolea oituli, a nolea eded nagri.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:29

Iesu uiabi detaut, kega, Ade ra dorge peik, ko oituli abim, E temarida.

Ioane 6:35

Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 8:24

Abelelam kaka uabi detager, kega, Uaba ko eumida uaba uitelam: ese uaba nole egaret Kakanali, uaba ko eumida uabi uitelam.