MAREKO 16:1 - Miriam Mer Gospels 1902

¹ Abele sabath iobaru, Maria Magadalena, a Maria, Iakobo ra apu, a Salome debe laglag lu terapei, uiaba ko Iesu ra kem dedered.

MAREKO 16:1 ပူးပေါင်းရင်းမြစ်များ

MAREKO 14:3

E emri Bethania, muige Simona lepera ra meta, E emri leuer aroem, nerute kosker abim tabakeam nagri alabasa tarpor, muige muro ido lu; E emetu tarpor daraturumda, E abi kerem ge epaiteredelu.

MAREKO 14:8

Kosker emetu ikeli abele lu E umele: E kekiam kara gem dedered kari natkobei.

MAREKO 15:40

Gaire kosker giz tekue muriz ge dasmer; uiabi dog Maria Magadalena, a Maria kebi Iakobo ra apu, a Iose, a Salome;

MAREKO 15:42

Kikem, abele derser gerger, sabath iuaokaer,

MAREKO 15:47

Maria Magadalena, a Maria, Iose ra apu dasmer abele uteb abi ikedilu.

MAREKO 16:2

Uiaba aoem tabarki bane ge, abele kekiam gerger sefen, kerker lem eupamada.

MAREKO 16:8

Uiaba sobkak teosmeda, a koreder aolam; uiaba durdur, a orida: epe uiaba nole nerute le mer atager kak; abelelam ui geum ge.

Luka 23:54

Abele gerger uetpur, maike sabath.

Luka 23:56

Ege uiaba ko akomeda, a derser lu debe laglag, pako uakasu debe laglag. Ege uiaba nerezi sabath ge, abkoreb Ade ra mer.

Luka 24:1

Ege ditimedelu abele gerger sabath ge, uiaba bakeuare abele ao ge, bane ge, uiaba ais abele lu debe laglag emetu derser, uader kosker uiabi kemem.

Ioane 19:25

Iesu ra satauro dege abara apu ekueilu, pako abara apu ra keimer, Maria, Kelopa ra kosker, a Maria Magadalena.

Ioane 19:31

Iudaia giz Pilatoim bareda ko uiaba teter erapei, a uiaba egardare, ueakai uiaba gem nole emerered sabath ge, (abelelam gerger derser, au gerger abele sabath.)