3 Zogozogo le giz gaire mer abi okadiridili.
Gaire zogozogo le giz pako aule giz uiaba abi etomertare gaire abara mer, epe E nole mer kak.
Pilato abi eutumer, kega, Nako mama Iudaia le giz ra Opole? E abi detaut, kega, Eko mama detager.
Pilato iako abi eutumer, kega, Ma nole ataut kak? dasmer gaire mer uiaba mari naridili.
Epe Iesu nole ataut kak; abelelam Pilato au damred.
Abele ge lam Pilato deraimer ko abi emariklu: Iudaia giz elele ereretikri, kega, Ese ma abele le emarida, ma nole Kaisara ra boai: abele le tababu akailu opole, E Kaisara ra keubu le.
