MAREKO 14:36 - Miriam Mer Gospels 1902

³⁶ E detager, kega, Aba, Baba, mama umele gaire lu eseemuda; karielam ekao abele tanelu; epe nole kara lag ikeli mabara lag ikeli.

MAREKO 14:36 ပူးပေါင်းရင်းမြစ်များ

Mataio 26:39

E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.

Mataio 26:42

E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.

Mataio 6:9

Dasmerare, uaba esorerapare mokakalam: Keriba Aba kotor ge, zogoem mara nei.

MAREKO 10:27

Iesu uiabi dasmer, a detagereda, kega, Le nole umer kak abele, Ade umele, E umele gaire lu uridili.

MAREKO 10:39

Uiaba abi detagereda, kega, Ki umele. Iesu uiabi detagereda, kega, Uaba ko tanelu ereli kaka ko are; a bapataiso egared kari bapataiso:

MAREKO 14:37

E ko akomed a uiabi erdali uteid, E Peteruim detager, kega, Simona, ma uteid? ma nole saserim kak ko derser netat haua ge?

Ioane 12:27

Peirdi kara nerkep okasosok; nalu kaka ko detaut? Baba kari nakai abele kerkerlam. Epe abelelam kaka tabarki abele kerker ge.

Ioane 18:11

Iesu Peteru detager, kega, Mabara tebur ausos tulik iako sorge dasiri: nako, kaka nole are kak abele tanelu Baba de kari nakuar?

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.