MAREKO 14:18 - Miriam Mer Gospels 1902

¹⁸ Uiaba baido, a leuer eroare, Iesu detager, kega, Ageakar, kaka uabi detagereda, kega, Nerute uabielam kari keserkeser, abele le kari dog eroli.

MAREKO 14:18 ပူးပေါင်းရင်းမြစ်များ

Mataio 26:21

Uiaba eroare, E uiabi detager, Ageakar, kaka uabi detager, uabielam nerute le kari mirem.

Mataio 5:18

Abelelam a ageakar kaka uabi detagered, Eseamulu abele kotor ge gako abele gesep ge, epe nole aseamur kak abele iota, gako kebi uar mog abele gelar giz, a mena bakedida gaire lu uridili.

Mataio 6:16

Ese uaba leuer baili, nole opauzi mokakalam bes le giz; abelelam uiaba dedkoli uiaba op, iaueakai gaire le nardarare uiaba leuer baili. Ageakar ka uabi detagereda, Uiaba bodomalam nagri.

Mataio 6:2

Epe ike, ese ma abi nase lu nakuarare, ma nole maber dibiri mara opem mokakalam bes le giz a sunago ge, a gab ge, iaueakai le giz uiabi naosepereda. Ageakar kaka uabi detagereda, Uiaba nagri bodomalam.

Mataio 6:5

Ese ma abi esorerapare, ma nole mokakalam bes le giz; abelelam uiaba lagelag esorerapare sunago ge a gab uasuli opem gaire le, iaueakai gaire le uiabi darasmerare. Ageakar kaka uabi detagereda, Uiaba nagri bodomalam.

MAREKO 10:15

Ageakar, kaka uabi detagereda, kega, Ese nerute le Ade ra baselaia nole erpei kak mokakalam kebile, E nole abele ge badare.

MAREKO 10:29

Iesu detaut, kega, Ageakar kaka uabi detagereda, kega, Ese nerute le meta dekaer, a keimer giz, a berbet giz, a aba, a apu, a abara kosker, a uerem giz, a ged giz, karielam, a euangelia,

MAREKO 14:17

Kikem Iesu a tuelf le kei tabarkeda.

MAREKO 14:19

Uiaba ditimeda okasosok, a abi detager, kega, Nako kaka? a nerute kega, Nako kaka?

MAREKO 14:25

Ageakar, kaka uabi detagereda, kega, Kaka nole iako aree kak abele uina turumlam, kekiam tabarki abele gerger kaka ko aree kerkar uina Ade ra baselaia ge.

MAREKO 14:9

Ageakar, kaka uabi detagereda, kega, Gaire ged uridili geseb ge ko euangelia marao, abele ko etomeret kosker ra dorge, mena ko dikiapor abim.

MAREKO 3:28

Ageakar kak uabi detagereda, kega, Gaire ezubameli, a gaire uit uerem le giz ko detue:

MAREKO 6:11

Uiaba le giz uabi agared kak, a nole uabi asor kak, uaba bakeam abele gedelam, sep ditkeda uaba teter gablam uiabi atamelam. Ageakar, kaka uabi detagereda, kega, Niaiem gerger itmer, kebi bodamalam Sodomaem a Gomoraem tumem abele ged ge.

MAREKO 8:12

E au nerezi muige abara mar, kega, Nako abele nosik le atamelam deraimer? Ageakar, kak uabi detagereda, kega, Nole akuar kak atamelam abele nosik le.

MAREKO 9:1

E uiabi daratagereda, kega, Ageakar, kaka uabi detagereda, kega, Uader gaire le ge tekue, nole eud kak, kekiam uiaba Ade ra baselaia dasmerauem tabarki kemem adgiri.

MAREKO 9:41

Abele le ni sor uabi ikuar, abelelam uaba Keriso ra boai, ageakar, kaka uabi detagereda, nole ab kak bodomalam abim.

Luka 11:51

A ditimed Abela ra mam bakedida Sakaria ra mam, uiaba ipit eipu neres ge, maike Zogo meta: ageakar, kaka uabi detagereda, kega, E deraimerare abele nosik.

Luka 22:21

Dasmer, kari dog abele laulau ge, nerute le la tag, E kari keserker.

Luka 4:24

Ege E detager, kega, Ageakar, kaka uabim detaut, Nolea abkoreb perofeta emeri abara ged kar.

Ioane 1:51

Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.

Ioane 13:18

Kaka nole uaba uridili detager: kaka umele gaire le kaka dabgered: ueakai bakedida mer detali kega, Abele le kari dog leuer ero, E emetu abara teter kari natiri.

Ioane 13:21

Emetu Iesu abele detaut, abara lamar okasosok, E daratagerare, kega, Ageakar, ageakar, kaka uabi detager, nerute uabielam ko kari keserkeser.

Ioane 13:22

Kaimeg giz erkepu baskare, uiaba kok bagagarare, nete de abeida.

Ioane 13:38

Iesu abi detaut, kega, Eko, ma ko ikuar mara eded kara kes? Ageakar, ageakar, kaka mari natagere, kega, kimiar faul nole ereretikri, ma ko kekiam thri kari nasared.

Ioane 21:18

Ageakar, ageakar, kaka mari natager, kega, Ma makeriam emeret mabu eso, ma bakeam mabara lag: ma aule mabara tag nagisi, a nerute ko mari uanaso, a mari uanagared abele ma nole la kak.

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 6:26

Iesu uiabi detaut, kega, Ageakar, ageakar, kaka uabi detagereda, Uaba nole kari naraimeli abelelam uaba dasmer gaire atamelam, mamaro uaba areto eroarem, a kem osmeda.

Ioane 6:32

Iesu uiabi detaut, kega, Ageakar, ageakar, kaka uabi detager, Mose nole areto uabi ikuar kotorlam; epe mamoro kara Aba uabi dekuarda areto kar kotorlam.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:70

Iesu uiabi detaut, kega, Nako kaka uabi iterare tuelf le, a nerute uaba diabolo?