MAREKO 13:3 - Miriam Mer Gospels 1902

³ Iesu tumem paser ge Oliua emeri, zogo meta op, Peteru a Iakobo a Ioane a Anederea gumik abim eutumer,

MAREKO 13:3 ပူးပေါင်းရင်းမြစ်များ

Mataio 13:10

Ege abara kaimeg giz tabaruka abim, a abim kega, Nalugem ma uiabim detagereda no mer babisdarie?

Mataio 13:36

Ege Iesu dikaer abele le lakub, a balu abele meta ge; ege abara kaimeg giz tabakeuare abim, kega, Ma keribi etomeret tonar abele mer babisdarie abele ditania abele ged ge.

Mataio 17:1

Eseamud sikes gerger, ege Iesu tegardare Peteru, a Iakobo, a Ioane abara keimer, a uiaba bakeuare abele pereper paserem, uiaba tepteb.

Mataio 21:1

Uiaba maike Ierusalema, a bosi Bethefage, abele Oliua paser, ege Iesu namariklu neis tabara kaimeg giz,

Mataio 24:3

E emri abele Oliua paser, ege abara kaimeg giz abim tabakeuare uiaba tepteb, a uiaba kega, Ma keribi detagerare, Na kerker tabarki abele gaire lu? a nalu atamelam ma tabarki, pako abele geseb ra mop?

MAREKO 10:35

Iakobo a Ioane, Zebedaio ra uerem giz, Iesuim tabarki, a detager, kega, Kole ae, ki laglag mama keribim ikeli abele lu ki lagelag.

MAREKO 13:4

Ma keribi detagerare abele kerker ko tabarki abele gaire lu, a nalu atamelam abele gaire lu uridili ko tabarki?

MAREKO 14:33

E Peteru, a Iakobo, a Ioane taraisare, a ditimeda ko okasosok, a nerkep okabatageli;

MAREKO 4:34

E nole uiabim atager kak, ese nole mer babisdarie; uiaba mud uteb ge, E uiabim, abara kaimeg giz, gaire tonar mer detaut.

MAREKO 5:37

E uiabi daraisumdarda, nole le kak abi irmili, mamor Peteru, a Iakobo, a Ioane Iakobo ra keimer.

MAREKO 9:2

Eseamuda abele gaire gerger sikes, Iesu Peteru tegadare, a Iakobo, a Ioane, a uiabi taraisare tumem perepere paser, uiaba tepteb: abara gem uiabi opem depegemelu.