MAREKO 12:35 - Miriam Mer Gospels 1902

³⁵ Iesu muige zogo meta ereuerem, a detager, kega, Nalugelam aotale giz detagereda, kega, Keriso Dauida ra uerem?

MAREKO 12:35 ပူးပေါင်းရင်းမြစ်များ

Mataio 26:55

Peirdi abele haua kige, Iesu detager gaire le lakub, Nako uaba karim tabakeuare, gaire teibur aososo tulik, pako gabgab ko erpei mokakalam idikeda le ise? Meriba bamer abele zogo meta, kaka uabi ereuerem gaire gerger, a uaba nole kari erpei.

Mataio 9:27

Iesu adem bakeamulu abele utebelam, epe uiaba abi narmilei neis sadamer le, a ereretikri, kega, Dauida ra Uerem, ma keribi nasenas.

MAREKO 10:1

E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.

MAREKO 11:27

Uiaba iako Ierusalema takomeda: E muige zogo meta ekasereder, epe zogozogo le giz abim tabakeuare, a aotale giz, a au le giz;

MAREKO 14:49

Kaka uabi dog gaire gerger giz zogo meta ge okadeskeda, uaba nole kari arpeir kak; bakedilu eski abele zogo mer detali.

Luka 19:47

Ege E ereuerem muige zogo meta gaire gerger. A zogozogo le giz, pako aotale giz, pako tarim le, abele ged ge, ege uiaba lagelag abi ipit:

Luka 20:1

Nerute gerger, E ereuerem abele ged ge, muige zogo meta, a etomeret debe mer, a uiaba zogozogo le giz a aotale giz, a aule giz ekue;

Luka 21:37

Abara tonar E ereuerem gerger ge, muige zogo meta, ki ge osmed, E emeri nerute paser, nei atker Oliua.

Ioane 18:20

Iesu abi detaut, kega, Kaka paret kak gesepem detaut; kaka sunago ge ereuerem, a zogo meta ge, Iudaia giz netate uteb ge; kaka nole nerute lu mude ge detaut.

Ioane 7:42

Nako, nole zogo jauali detager, kega, Keriso tabarki Dauidalam, a Bethelemalam, abele Dauida ra uteb?