MAREKO 12:12 - Miriam Mer Gospels 1902

¹² Uiaba deraimeri ko abi terpei, epe uiaba gaire le lakub geum ge; abelelam uiaba umele abele mer babisdarie E uiabi detager: uiaba abi dikaerti, a bakeamuda.

MAREKO 12:12 ပူးပေါင်းရင်းမြစ်များ

Mataio 21:26

Ese meriba abi detagerare, Lelam; meriba geum gaire le lakub; abelelam uiaba uridili dikiaporare Ioane E perofeta.

Mataio 22:22

Uiaba aserare, epe uiaba au kase damereda, a uiaba abi dikaer, a adem bakeuare.

MAREKO 11:18

Aotale giz asereda, a zogozogo le giz, uiaba deraimer ko abi ipit: uiaba abi geum, abelelam gaire le lakub abara ereuer damereda.

MAREKO 11:32

Ese meriba detagerare, kega, Lelam: uiaba geum gaire lelam, abelelam gaire le uridili Ioane egared mokakalam perofeta kar.

Luka 20:19

Ege zogozogo le giz, pako aotale giz, uiaba lagelag abi erpei abele haua ge; a uiaba au geum abele ged; abelelam uiaba umele, abele mer uiabim babisdarie.

Luka 20:6

Ese meriba detager, kega, lelam; epe abele ged ge meribi bakeru ditimeda: abelelam ui ge dikiaporare Ioane perofeta.

Ioane 7:25

Eko uader le Ierusalemlam detaut, kega, Nako E dali uiaba deraimerare ko ipitare?

Ioane 7:30

Uiaba deraimerare abi terpeirare: a nole le abim tag itirimuda, abelelam abara kerker nole tabarki.

Ioane 7:44

Uader uiaba lagelag abi terpei, a nole le abim tag itirimuda.