MAREKO 12:1 - Miriam Mer Gospels 1902

¹ Iesu ko ditimeda uiabim detager gaire mer babisdarie, kega, Nerute le uina gedub akerare, a kar derumeda, a uak dakeili ko uina igmesi, a eskare emoarare, a gedub le nakuarare, a muriz ged bakeamuda.

MAREKO 12:1 ပူးပေါင်းရင်းမြစ်များ

Mataio 13:3

E uiabim daratagerare gaire lu mer babisdarie, kega, Dasmer, nerute amorda le bakeamulu ko emor.

Mataio 21:28

Nako uaba dikiapor? Nerute le neis abara uerem; E bakeam abele narbet uerem, a abim kega, Makanali ma bakeam peirdi abele gerger kara uina gedub dorge ikeli.

Mataio 21:33

Uaba aserare nerute mer babisdarie: Nerute tarim le, E ikeli tabara uina gedub, E kar dirumed, a daiui abele uteb uina detager, a ko ikeli au kar, E uiabim nakuarare gaire uina gedub le, E bakeam muriz gedim.

Mataio 21:34

Maike nur abi, E uiabim namarkare abara memeg le giz uiaba uina gedub le, ko taraisare gaire uina turum.

Mataio 25:14

Mokakalam nerute le muriz ge bakeam, E darabgerare tabara memeg le giz, E uabi ikuar abara gaire lu.

MAREKO 11:33

Ege uiaba Iesuim detaut, kega, Keriba umer kak. Iesu uiabim detager, kega, Kaka nole uabi atager kak abele sirdam gaire lu kaka ikeli.

MAREKO 13:34

Mokakalam le muriz gedim bakeam, tabara meta dekaerti, a tabara memeg giz sirdam nakuarare, a le gab te asesere abi mer tigri ko derser.

MAREKO 3:23

E uiabi darabgerare, a uiabi daratagerare gaire mer babisdarie, kega, Nako, Satana umele Satana imuda?

MAREKO 4:2

Gaire mer E uiabim ereuerem mer babisdarie, E uiabidaratagerare abara okadeskeda, kega,

Luka 15:13

Ege uader gerger basemerare, ege keimered tabara lu etami okakis, ege bakeamulu nerute muriz gedim; E no adud tonar.

Luka 19:12

Abelelam E uiabi detager, kega, Nerute kele bakeamu nerute muriz gedim, ueakai nagri lu, a E lagelag opole, a iako takomeda.

Luka 22:9

Epe uiaba abi detager, kega, Na uteb ge mama lagelag ki derserei?

Luka 8:10

Epe E mer etkalu uiabim, Emetu ikuar uabim iaueakai uaba umele gaire lu gumik Ade ra baselaia ge: epe uader mer babisdarie uiabim gaire le; iaueakai uiaba nolea dasmer, uiaba dasmerare, pako uiaba nolea asoli, uiaba aserare.