MAREKO 10:47 - Miriam Mer Gospels 1902

⁴⁷ E asoli abele Iesu Nazaretalam, E ditimeda ereretikri, kega, Iesu Dauida ra uerem, kari omare.

MAREKO 10:47 ပူးပေါင်းရင်းမြစ်များ

Mataio 1:1

Abele Iauali, abele Iesu Keriso ra kusi, abele Dauida ra uerem, abele Aberahama ra uerem.

Mataio 12:23

Ege gaire le lakub uridili abi damered, a uiaba mer, kega, Nako nole Dauida ra Uerem pedali?

Mataio 15:22

Dasmer, ababe Kanana kosker E tabarki abele peklam, a ereretikri abim, kega, Abele Opole ae, Dauida ra Uerem, ma kari omare, kara neur au adud abele demoni nagri.

Mataio 2:23

A E bakeam nerute uteb nei Nazareta E emerilu; ga akailu abele gaire perofeta ra mer, kega, E nei etkeroa Nazareta le.

Mataio 20:30

Dasmer, neis le pone asadamer emrilei abele gab ge, a uiaba aserei Iesu tabakeam, uiaba ereretikri, kega, Opole ae, Dauida ra uerem, ma keribi omare.

Mataio 21:11

Ege le lakub uiaba kega, Abele Iesu ike, Nazareta perofeta, Galilaialam.

Mataio 21:9

Abele gaire le lakub uader le kekiam pako uader le irmili, a uiaba ereretikri, kega, Hosana abele Dauida ra Uerem: Mapodan le tabarki Opole ra nei, Hosana gaire lu tumge.

Mataio 26:71

E teosomeda abele maisu ge, a nerute memeg neur ko abi erdali, E detager uader le, Abele le E kemem Iesu Nazareta le.

Mataio 9:27

Iesu adem bakeamulu abele utebelam, epe uiaba abi narmilei neis sadamer le, a ereretikri, kega, Dauida ra Uerem, ma keribi nasenas.

MAREKO 1:24

Iesu Nazaretalam, keriba nako marim? nako, mama tabarki keribi adem dipit? kaka mari opasereret, Ade ra Zogo.

Luka 4:16

Ege E Nazareta tabarki, ege E bataili abele ged ge: epe E barot abele sunago sabath ge, mokakalam abara tonar, ege E tekue ko etag.

Ioane 1:46

Nathaniela de abi detager, kega, Nako, umelo nerute debe lu ua tabakeamur Nazaretalam? Filipo abi detager, Ma tabakeam dasmer.

Ioane 19:19

Pilato atamelam jauali detali, a tumem satauro dikmerik. Abele detali kega, IESU NAZARETA LE, IUDAIA LE GIZ RA OPOLE.

Ioane 7:41

Uader datager, kega, E Keriso. A uader detager, kega, Nako, Keriso osmeda Galilaialam?

Ioane 7:52

Uiaba detaut, a abi detager, kega, Nako ma Galilaialam? Deraimer, a dasmer: nole perofeta dikedida Galilaialam.