MAREKO 10:34 - Miriam Mer Gospels 1902

³⁴ Uiaba ko abi neg degarare, a abi damerik, a abi mos akeida, a abi ipit eumida; abele gerger thri, E iako eded akaida.

MAREKO 10:34 ပူးပေါင်းရင်းမြစ်များ

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 26:67

Ege uiaba mos iduari abara opem; a uader le tag giz ipitare abim,

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

MAREKO 14:63

Abele kole zogozogo le giz tababu tabara am uali etoat, a detager, kega, Epe nalu nerute merume le?

MAREKO 14:65

Uader le ditimeda abi mos itu, a abara op demdare, a abi detapiare, a abi detager, kega, Ma ko perofeta; a memeg le giz abi ipitare tag de.

MAREKO 9:31

Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.

Luka 23:11

Heroda pako abara ares le, uiaba abi dituaki, a abi negneg, a zoromzorom uali ame, a ko Pilatoim egaredare.

Ioane 1:17

Abele gelar Mose de dekuarare, abele omare a ageakar tonar, Iesu Kerisolam.

Ioane 2:10

A abi detager, Tonar gaire le uridili ko kekiam debe uaina dersemrare; a emetu au kase ereare, ege kebi debe uaina nakuarare: ma mena debe uaina edagili, a peirdi.