MAREKO 10:2 - Miriam Mer Gospels 1902

² Faresaio giz tabakeuare, a uiaba abi eutumer, kega, Nako, gelar nagri nerute le abara kosker dituaki? Uiabi abi mirem.

MAREKO 10:2 ပူးပေါင်းရင်းမြစ်များ

Mataio 15:12

Ege abara kaimeg giz abim tabakeuare, a abim kega, Nako ma umele gaire Faresaio giz mari ueku, uiaba asarare abele mer?

Mataio 16:1

Ege Faresaio giz pako Sadukaio giz abim tabakeuare, a uiaba abi mirem, kega, Ma keribi detomertare nerute atamelam kotorlam.

Mataio 19:3

Ege gaire Faresaio giz abim tabakeuare, a uiaba abi mirem, kega, Nako gelar nagri nerute le dituaki abara kosker a gaire luglam?

Mataio 22:35

Ege nerute uiaba gelar ereuer le, abi itimer mirem kega,

Mataio 23:13

Uaiai uaba aotale pako Faresaio, bes le giz! abelelam uaba dimi abele kotor baselaia lelam; abelelam uaba umer kak barot, a uaba ko daraisumdarare uader le barota.

Mataio 9:34

A Faresaio giz abielam detagerare, kega, Abele au demoni abi dog, abelelam E umele namuare demoni giz.

MAREKO 10:1

E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.

MAREKO 10:3

Ege E uiabi detaut kega, Nako Mose uabi mer tigri?

MAREKO 8:11

Faresaio giz abim tabakeuare, a ditimeda abi basaret, ko abi mirem, abi itmer atamelam kotorlam.

MAREKO 8:15

E uiabi mer tigri, kega, Beber dasmer, abele Faresaio ra leuen, a Heroda ra leuen mamoro dasmer.

Luka 11:39

Ege Opole abi detager, kega, Uaba Faresaio uaba dirup abele tanelu ge pako abele kumeti; epe muige pe mitkar poipi a adud tonar.

Luka 16:14

Ege Faresaio giz aserare gaire lu uridili, uiaba lu lag; a uiaba abi negneg.

Luka 5:30

Faresaio giz a aotale giz, uiaba mudi mer abara kaimeg giz, kega, Nalugelam uaba eroli a ereli okakis telona giz a uit le giz?

Luka 6:7

Ege aotale giz pako Faresaio giz uiaba abi deraimerare, nako, E idigri sabath ge; ueakai nagri mer ais abim.

Luka 7:30

Epe Faresaio giz, pako ereuer gelar giz, uiaba adem Ade ra sirdam, abelelam uiaba nolea lagelag abara bapataiso.

Ioane 11:47

Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.

Ioane 11:57

Uiaba gaire tarim zogozogo le, pako gaire Faresaio gelar ekos, kega, Ese nerute le umele abele uteb E emri, abara dorge ko etomeret, ueakai uiaba abi terpei.

Ioane 7:32

Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.

Ioane 7:48

Nako, nerute le abim oituli gaire opolelam, a gaire Faresaiolam?

Ioane 8:6

Uiaba detaut abele ge ko abi mirem, ueakai nagri mer ais abielam. Iesu esorgiru, a seb ge detali tagu.