MAREKO 1:32 - Miriam Mer Gospels 1902

³² Kikem, lem baraigida, uiaba abim taraisare gaire, gim le, a gaire le sumes lamar nagri.

MAREKO 1:32 ပူးပေါင်းရင်းမြစ်များ

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Mataio 8:16

Epe kikem, uiaba taraisare gaire le demoni barota; epe namuare adud lamar giz abele abara merlam, E idigiri uiaba gim le giz:

Mataio 8:17

Iaueakai bakedida abele Isaia ra mer, kega, E ais meriba gebegeb, a ko bakuar meriba gim.

MAREKO 1:21

Uiaba Kapernauma tabakeuare; sabath ge E dudum sunago tabao, a ereuerem.

MAREKO 1:31

E keitekas abi tag erpeilu; sobkak urueri dekaida, E uiabi memeg le.

MAREKO 3:2

Uiaba abi keikei dasmerare, nako, E abi idigiri sabath ge; uiaba ko abara mer atrumda.

Luka 4:40

Uiaba uridili nagri gim, nerute gimlam a nerute gimlam, ege uiaba tais uiabim lem baraigida; ege abara tag itut nerute le a nerute le, pako idigiri uiabim.

Luka 4:41

Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.