MAREKO 1:21 - Miriam Mer Gospels 1902

²¹ Uiaba Kapernauma tabakeuare; sabath ge E dudum sunago tabao, a ereuerem.

MAREKO 1:21 ပူးပေါင်းရင်းမြစ်များ

Mataio 4:13

Eabi dikaer Nazareta, E bakeamulu a emerilu Kapernaumge maike gur tauer ge, abele Sebulona a Nafatali ra nener.

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

MAREKO 1:20

E sobkak ui darali ereretikrei: ui darali Zebedaio uiaba aba dekaerei nar tumge, a gaire memeg, a abi irmilei.

MAREKO 1:29

Uiaba teosmeda sunagolam, sobkak uiaba tabarot kemem Ioane a Iakobo metaem, abele Simona a Anederea ra meta.

MAREKO 1:33

Gaire ged uridili netate gedim op meta.

MAREKO 1:39

E marau muige gaire uiaba sunago Galilaia uridili, a demoni giz imuda.

MAREKO 10:1

E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.

MAREKO 2:1

Gerger giz barki, E iako Kaperenauma uatabu; ui asereda E muige meta.

MAREKO 3:1

E iako sunago balu; abele nerute le tag euselu.

MAREKO 6:2

Sabath ge, E ditimeda sunago ge ereuerem; gaire le asereda damreda, kega, Nagelam abele gaire dorge abi dog? nako pardali abi ikuar, ueakai gaire dorge adigir mokakalam abara tag ikeli?

Luka 10:15

Marim Kaperenauma, uige mari uanageserare armem, a keubu ma ekesmeri muige abele Hedisge.

Luka 13:10

Ege E uiabi ereuerem nerute sunago, sabath ge.

Luka 4:16

Ege E Nazareta tabarki, ege E bataili abele ged ge: epe E barot abele sunago sabath ge, mokakalam abara tonar, ege E tekue ko etag.

Luka 4:23

Epe E uiabim daratagerare, Abkoreb uaba karim detaut, Lukup kemle, mabu idigiri: gaire lu uridili ma ikeli Kapernauma, ki emetu asoli, debele ma ikeli mara ged kar peike.