Luka 9:51 - Miriam Mer Gospels 1902

⁵¹ Ege abara kerker maike tabarki, E iako takomeda kotor ge, ege E bakeamulu Ierusalema ge,

Luka 9:51 ပူးပေါင်းရင်းမြစ်များ

MAREKO 16:19

Iesu Opole emetu uiabim daratagereda, iako abim bakuarda kotorem, a Ade ra tuter tag emeri.

Luka 12:50

Karbara bapataiso kaka bapataiso; kaka au asias mop ge bakedida!

Luka 13:22

Ege E bakeamulu uteb a kebi uteb giz, ege E ereuerem, a bakeamulu Ierusalema ge.

Luka 17:11

Ege E bakeamulu Ierusalema ge, pako Samaria a Galilaia.

Luka 18:31

E ge naisare tuelf le, E uiabi daratagerare, Dasmer, mi nabakeuare Ierusalemaem, iaueakai ageakarem gaire lu uridili perofeta giz detarare abele mer abim Le la Uerem.

Luka 19:11

Ui ge dimiruartare abele lu, ege E uiabim ko detager nerute mer babisdarie, iaueakai maike Ierusalema, abelelam ui dikiaporare Ade ra baselaia pe detomereta.

Luka 19:28

Ege mer eseemulu, E kekiam bakeamulu Ierusalema ge.

Luka 24:51

Ege E uiabim uerkab, E uiabi dikaer, E bakeamu kotorem.

Luka 9:57

Ui ge bakeauare abele gab ge, ege nerute le abi detager, kega, Opole, kaka mari narmili gaire uteb ma bakeamu.

Ioane 13:1

Paseka nole aker kak, Iesu umele abara kerker tabarki ko bakeamulu geseplam tabara Abem, E emetu tabara boai omare gesepem, E uiabi omare, a mop ge tabarki.

Ioane 16:28

Kaka nabue Babalam, a gesepem tabarki: kaka iako geseb dekaelu, a Abem bakeam.

Ioane 16:5

Peirdi kai nabakeamulu abim kari namarida: nole nerute le uabielam kari eutumer, kega, Mai na gedim bakeam?

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 6:62

Nako, ese uaba dasmer Le la Uerem abara emeret utebem ogi?