Luka 9:48 - Miriam Mer Gospels 1902

⁴⁸ Ege E uiabi daratagerare, kega, Ese nerute le tegared abele kebi uerem kari nei ge, ege E karim tegared: ese nerute le karim tegared, ege E tegared abele le kari namarida: abelelam E kebile ise uabim dali, E aule.

Luka 9:48 ပူးပေါင်းရင်းမြစ်များ

Mataio 18:10

Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.

Mataio 18:14

Mokakalam uaba Aba dali kotor ge, nole lakak nerute uiaba ike kebi kale ko abi.

Mataio 19:28

Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

MAREKO 9:37

Abele le nerute uerem mokakalam egaret, muige kara nei, E kari nagaret: a abele le kari nagaret, E nole kari nagaret tepteb, mamoro E dali kari namarida.

Luka 10:16

Ese le asoli uabim, mokakalam kari asoli; ese nerute le uabi dituaki, mokakalam kari natuaki; ese nerute le kari natuaki, epe E natuaki abele le kari namarida.

Luka 14:11

Abelelam, ese nerute le tababu bakai aule, E kebile; ese nerute le tababu bakai kebile, E aule.

Luka 22:26

A uaba nole mokakalam: ese le uabim aule, E mokakalam kebile; ese le sirdamu, E memeg le.

Luka 22:30

Iaueakai uaba eroli, a ereli, abele leuer aro uteb kara baselaia ge, a emeri opole bao ge, a itimer Isaraela tuelf nosik.

Luka 7:28

Kaka uabim detager, Nolea perofeta osmelu koskerlam aule mokakalam Ioane Bapataiso: epe le kebile Ade ra baselaia ge, E aule abim.

Ioane 13:20

Ageakar, ageakar, kaka uabi detager, kega, Abele le egaret le kaka namarida, E kari egaret: abele le kari egaret, E abi egaret, kari namarida.

Ioane 14:21

Abele le kara gelar nagri, a abele irmili, E kari lag: abele le kari lag Baba abi lag, a ka ko abi lag a kari natomelu abim.