Luka 9:22 - Miriam Mer Gospels 1902

²² Kega, Abkoreb gaire lu asias Ade ra Uerem, pako aule giz abi dikaer, pako zogozogo le giz, pako aotale giz, uiaba abi ipitare, a thri gerger ko eded.

Luka 9:22 ပူးပေါင်းရင်းမြစ်များ

Mataio 17:12

A kaka uabi detager, Emetu Elia tabarki, a uiaba nole abi asmer kak, epe uiaba ikeli abim gaire lu uridili uiaba lagelag. Mokakalam Le la Uerem, a ko uiaba abi dedkoli.

Mataio 17:22

Uiaba nakasir Galilaia ge, ege Iesu uiabi daratagerare, Abele Le la Uerem namarid gaire le la tag:

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

MAREKO 8:31

E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.

MAREKO 9:31

Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.

Luka 17:25

Abkoreb kekiam gaire asiasi abim, a abele nosik uiaba abi dikaer.

Luka 24:26

Abkoreb Keriso kekiam au asias gaire lu mokakalam, a keubu abara zorom tabarki.

Luka 24:44

A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.

Luka 24:7

E detager, kega, Abkoreb Le la Uerem ikuar uit le la tag, a satauro, a neisi netate gerger ko eded akaid.

Luka 9:44

Uaba mamoro asoli abele mer: abelelam Ade ra Uerem maike uadikuarare le la tag.