Luka 9:20 - Miriam Mer Gospels 1902

²⁰ Ege E uiabim detager, kega, Nako uaba mer karim nete? Epe Peteru abi detaut, kega, Mama Keriso Adelam.

Luka 9:20 ပူးပေါင်းရင်းမြစ်များ

Mataio 22:42

Kega, Nako uaba dikiaporare abele Keriso? nete ra uerem? Ege uiabi abi detagerare, Dauida ra Uerem.

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 5:47

Ese uaba tepteb nasenase uaba boai, nalu lu aule uaba ikerare? nako telona giz nole ikerare mokakalam?

MAREKO 14:61

Epe E bazeguar, a nole mer kak. Ege kole zogozogo le giz iako abim eutumer, a abi detager, kega, Ma Keriso nali, Aosperera ra Uerem me?

MAREKO 8:29

E uiabi daratagereda, kega, Nako uaba detager, kaka nete? Peteru abi detaut, kega, Mama Keriso.

Luka 22:67

Ese ma Keriso kar, ma detaut keribim. Epe E uiabim detager, kega, Ese kaka uabi detager, a uaba nole kari oituli:

Luka 9:19

Ege uiaba abi detautare, kega, Ioane Bapataiso; epe uader detager, kega, Elia; a uader detager, kega, Nerute perofeta emeretlam, E ko eded akaida.

Ioane 1:41

E kekiam erdalu abara keimer Simona, a abi detager, kega, Ki Mesaia erdali, (tonar abele nei, Keriso.)

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 11:27

E abi detaut, kega, Eko, Opole: kaka dikiapor mama Keriso, Ade ra Uerem, gesepem tarabu.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 4:29

Tabakeuare, dasmerare abele le kari natagere gaire lu kaka ikeli: nako, Keriso dali?

Ioane 4:42

Uiaba koskerem detager, kega, Keriba nole oituli mara mer atautelam; abelelam keribibu asoli, a keriba umele, ageakar Keriso idali, geseb uridili ededem.

Ioane 7:41

Uader datager, kega, E Keriso. A uader detager, kega, Nako, Keriso osmeda Galilaialam?