Luka 9:12 - Miriam Mer Gospels 1902

¹² Ege maike lem baraigida; epe gaire tuelf le tabarki, a abi detager, kega, Debele ma namarida gaire le lakub, iaueakai uiaba bakeauare gaire uteb, abele kebi uteb maike, uiaba emeri, a leuer deraimer: abelelam abele uteb nolea le kak.

Luka 9:12 ပူးပေါင်းရင်းမြစ်များ

Mataio 14:13

Iesu abele asoli, E bakeamulu adem abele uteblam abele nar ge, E tepteb emeri abele lekak uteb ge: ege le lakub aserare, a uiaba abi irmilare tabakeuare tauer gab ge, gaire uteblam.

Mataio 15:23

Epe E nole mer kak abim. Ege abara kaimeg giz abim tabakeuare abi damsare, kega, Ma abi namarid ege bakeamulu, abelelam E mena meribi irmili a ereretikri.

Mataio 15:32

Ege Iesu darabgerare abara kaimeg giz, kega, Kaka niabi nasenase abele le lakub, abelelam thri gerger peirdi uiaba emri kari dog, a nole leuer kak. Kaka umer kak uiabi namarkare ko bakeuare, a nole leuer aro kak, mena uiaba uererege abele gab ge.

Luka 9:11

Ege gaire le lakub uiaba emetu umele, a uiaba abi irmilare: ege E uiabi agiz, E uiabi detager tonar Ade ra baselaia ge, pako idigiri uader le lagelag eded.

Luka 9:13

Ege E uiabi detager, kega, Uaba uiabi leuer ikuar. Ege uiaba abi detager, kega, Meriba nolea leuer kak, no faif areto a lar neisi; debele keriba ko bakeamu leuer terapei uiabim peike gaire le lakub.

Ioane 6:1

Abele iobaru, Iesu bakeam kei apek Galilaia keper ge, pe Tiberia.