Luka 8:37 - Miriam Mer Gospels 1902

³⁷ Abele uteb Gadara ge uridili, uiaba ko abi damsare, kega, Keriba ged ma dekaer; abelelam ui au geum: ege E ko bakeamulu nar ge, E atiem.

Luka 8:37 ပူးပေါင်းရင်းမြစ်များ

Mataio 8:34

Dasmerare, gaire le uridili tabarkare abele utebelam a obapitare Iesuim; uaiba abi erdarare, epe uiaba abi damsare, A ma bakeam adem keriba gedlam.

MAREKO 5:17

Uiaba ditimeda abi damosare, ko uiaba ged dekaer.

Luka 10:16

Ese le asoli uabim, mokakalam kari asoli; ese nerute le uabi dituaki, mokakalam kari natuaki; ese nerute le kari natuaki, epe E natuaki abele le kari namarida.

Luka 5:8

Ege Simona Peteru umele, epe abi ekesmeri Iesu ra teter ge, kega, Opole, ma bakeamulu karielam, abelelam kaka uit le.

Luka 8:28

Ege E abi erdali Iesu, E au kodo ereretikri, a E ekesmeri abara opem, ege E abi elele detager, kega, Kaka nako marim, Iesu Ade ra Uerem au kale? Kaka marim bali, nole kari asiasi nakeli.

Luka 8:36

Ui ge le erdalare, a uiaba natomertare uiaba le nagri demoni giz dedkoli, emetu idgiri.

Luka 8:38

Le demoni dedkoli teosmeda, E abi damos abi dog emeri: epe E nolea la kak, a abi emariklu, kega,

Luka 9:5

Uiaba le giz uabim agared kak, a nolea uabi asor kak, uaba bakeamu abele gedlam, sep ditkeda uaba teter gablam, uiabi atamelam.

Luka 9:56

Abelelam Ade ra Uerem tabarki nolea dedkoli le la eded, epe E tabarki ueakai gaire le eded nagri. Ui ge bakeauare nerute utebem.