Luka 8:30 - Miriam Mer Gospels 1902

³⁰ Ege Iesu abi itimer, kega, Mara nei nako? E detaut, kega, Kara nei Legeona; abelelam gaire demoni giz kemem abi dog.

Luka 8:30 ပူးပေါင်းရင်းမြစ်များ

Mataio 26:53

Nako ma dikiapor kaka nole umele damosi kara Aba ko namarkare karim gaire angela giz tumem gaire legiona tuelf?

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Mataio 8:29

Darasmer, neis le ereretikri, kega, Nalu mara mer keribim, Iesu ae, Ade ra Uerem? Nako ma tabakeam ike keribim ikeli asiasi a nole bakedida abele niai kerker?

MAREKO 16:9

Iesu emetu eded akaida idim ge, abele gerger kekiam sefen, E Maria Magadalena kekiam paret kak osmeda, E sefen demoni ditrida abele koskerlam.

MAREKO 5:9

E abi itmer, kega, Mara nei nako? E detaut, kega, Kara nei legeona; abelelam keriba gaire.

Luka 8:2

Pako uader kosker nagri gim pako lamar uit emetu idigiri, Maria Magadalena, epe E sefen demoni giz abi dog emetu imuda,

Luka 8:29

Abelelam, E abi detager, kega, Ma lamar uit teosmeda lelam. Abelelam gaire gerger E abi erpei: ege uiaba abi didbari malil par, pako lu dimili abara teter, a uiaba abi asesered; ege E umele malil par dergeir, epe demoni giz abi ais sumez ge.