Luka 8:25 - Miriam Mer Gospels 1902

²⁵ Ege E uiabim detager, Nade uaba oituli? Ege uiaba au geum, pako au damred; ege uiaba mer atager, kega, Nete dali, abelelam E abi detager abele uag, pako abele ni, epe uiaba abi aserei?

Luka 8:25 ပူးပေါင်းရင်းမြစ်များ

Mataio 14:31

Ege Iesu de tag itrimuriklu, a abi erpeilu, a abim kega, Mama le kebikebi oituli, nalugelam mama asared?

Mataio 17:20

Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.

Mataio 6:30

Ese Ade abi ikuar mokakalam am uali abele gaire lu ged sumez, eded abele gerger a ko batauered idim ge abele amei uteb, nako uaba nole au debe am uali nagri, uaba kebi oituli?

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

Mataio 8:26

Ege E uiabi detagerare, kega, Nalugelam uaba geum, uaba kebikebi oituli? Epe E tekueilu, a dasiumda abele uag pako abele gur, iaueakai au metalug.

MAREKO 4:35

Abele gerger kikem, E uiabim daratagereda, kega, Minaba atiem nerut apekem.

Luka 12:28

Ese Ade de ikeli mokakalam sumez am uali, abele gerger omeilu, iauaekai obatauered urem; nako au am uali uaba kebi oituli?

Luka 8:24

Epe uiaba tabakeam, a abi itir, kega, Opole, opole, keriba maike baume. Epe E tekue, a uag daisumda, pako abele au zauber: uiaba ekeamulu, iauaekai metalug.

Luka 8:26

Ege uiaba nerute apek tauer ge tabarki, abele Gadara le la ged, abele apek keper ge, E abkoreb Galilaia ge.

Ioane 11:40

Iesu abi detaut, kega, Nako, kaka nole mari natager, ese mama oituli, ma ko dasmer Ade ra adigir?