Luka 8:22 - Miriam Mer Gospels 1902

²² Ege nerute gerger, E bakeamulu, okakis tabara kaimeg giz, a nar atiem; ege E uiabim detager, kega, Mi nabakeauare nerute apek abele keper ge: epe uiaba atiem.

Luka 8:22 ပူးပေါင်းရင်းမြစ်များ

Mataio 14:22

Epe Iesu de dudum namarkare tabara kaimeg giz a atiem abele nar ge, kekiam bakeuare nerute apekem; E mena namarkare abele le lakub bakeuare.

Mataio 8:18

Ege Iesu dasmerare gaire le lakub abi derumeda, epe E uiabi detagerare, Ua bakeuare nerute apek.

MAREKO 5:21

Iesu emetu iako atiem nerut apek, gaire le netate gedim abim; E meg tauer ge emeri.

MAREKO 6:45

E sobkak abara kaimeg giz elele daratirieda nar ge bartiri, ko atiem nerut apekem Bethesaida opem, abara dorge gaire le namarida.

MAREKO 8:13

E uiabi dekaer, iako nar ge ekauererti, a nerut apek atiem.

Luka 5:1

Ege E ekue nerute pek, abele ni Genesareta ge, ege gaire le lakub uiaba esaimelu, uiaba lagelage asolare Ade ra mer.

Luka 8:23

Ege uiaba atiem, E uteidi: epe au uag tabarki abele keper ge; ege gaire zauber nar etatkoi, a mitkar, maike E baitili, uiaba au geum.

Luka 8:33

Epe gaire demoni giz baos adem lelam, a bakeauare borom ge barot: ga baupamaret muimui uteb keper ge, ege gaire borom guni baitarare.

Ioane 6:1

Abele iobaru, Iesu bakeam kei apek Galilaia keper ge, pe Tiberia.