Luka 8:21 - Miriam Mer Gospels 1902

²¹ Ege E uiabim detaut, kega, Ese gaire le giz asoli Ade ra mer, a uiaba ikeli, uiaba kara apu a kara keimer giz.

Luka 8:21 ပူးပေါင်းရင်းမြစ်များ

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

Mataio 28:10

Iesu uiabi detager, Uaba nole geum kak: ua bakeamlam etomeret kara keimer giz, uiaba ko bakeuare Galilaiaem, uiaba kari erdali.

Luka 8:15

Abele uader emor debe seb ge, uiaba abele mer asoli, a mamoro epeili, ageakar erpei uiaba nerkep ge, a turum nagri.

Luka 8:20

Ege uader uiaba abim detager, kega, Ege mara apu pako mara keimer giz uiaba adige ekue, uiaba lagelag marim erdali.

Ioane 13:17

Ese uaba umele abele gaire lu, debe mop uabim ua se ikerare.

Ioane 20:17

Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.